lege1 Ouch zo den seluen zijden giengen sy alvmb vp die Torne Ind examinerden
  vnd folterden die andere geuangen den meysten deil Ind liessen dat beschriuen
  Ind darna kurtlichen So lachten sij die selue geuangene / zo deme ewighen
  kerker / as die eyne zo Beyen in Stocke Ind die anderen zo sent cunibertz
5 in yseren vesseren so sy hardste knden vnd mochten • As mit namen Godart
  grijn den Alden • Iohan vait van merheym Iohan quattermart Iohan pogin
  her heydenrich van Schallenberg heinrich panthaleon vnd Iohan Cannus
  zo Beyen Ind heinrich Rotstock friderich walraf werner van Schallenberg
  Gerart van Bansbur heinrich blomenroit vnd godart grijn den Ingen
10 zo sent Cunibertz vurscreuen / die ouch sementlichen bekant hant dat sy van hern
  hilgers partijen weren vnd yn lieuer hedden dan die andere partije Ind hedden
  sy yn gewapent gesyen vp den dach do sy geuangen wurden• Sy hedden
  by yn getreden vnd nyet by dat banner • Ind deese vurscreuen geuangene die
  verswoiren vnd verschreuen sy in deme Eytboiche zo ewigen dagen Ind darzo mit
15 Seuen brieuen / mit der Stede meysten Segele vnd vort mit alle der geenre Segelen
  besegelt de zo allen Engen vnd wijden Rade saissen vnd gesessen hadden • sij nummerme
  danvss zo laissen • Ind darna zo stunt So schickden sij zo Beheme zome Rom //
  schen Coenynge Ind daden die sachen Instrumente vnd punte mit eynanderen in des
  Coenyngs Register in die Cancellije schriuen vnd setzen • Ind wruen van eme darup
20 eyn maiestait / vnd vil andere beslossen sendebrieue an alle herre fursten vnd
  Stede ouen vnd neden in den landen oeuer den vurscreuen her hilger her lufart vnd yre
  partijen / dat ouch zo grosme achterdeile der Stede costde me dan xiijC of
  xiiijC • gulden • vnd me • Ind allet vp der gemeynden budel vnd schaden •
 
25
ΒΆ  Dyt is n dat Instrumente des vurscreuen hern heinrichs vanme Staue vnd syn leste
  bekentnisse dat he dede vpme Tornevp  der Erenportzen so we dat van worde zo
  worde hernageschreuen volgt
 
Lege30 In nomine domini amen • Per hoc presens publicum Instrumentum cunctis pateat euidenter
  Quod Anno nativitatis eiusdem McccxclijM° sexto indictione quarta mensis januarij •
  die x • hora uesperarum vel quasi pontificatus sanctissimi in Christo patris et domini nostri domini • Bo •