1 wiste vp de zijt ouch wail / dat man vp yn sprechen vnd verdragen soulde Ind ••
  etzlige andere Scheffene vnd erbere lude do zerzijt in deme engen vnd wijden Raide
  weren node daran geweist na ynhalt yrs eytz in dem Eitboiche geswoiren Also
  verre dat sij also mit deme meysten parten / as vil machden yn deme Rade / dat man
5 des Coengs bede mogelich hoeren seulde • Ind in der wijse darna zo stunt schickden
  sij yre vrunt an dederich Schenk vurscreuen • Ind gauen deme byssen alle Reede / eyne
  antwerde also dat sij des Coengs vnd herzougen hantz beden gerne hoeren weulden •
  sydes billich nyet gedain en seulden hauen na ynhalt des pontz in deme Eytboiche•
  vurscreuen geswoiren
10
 
 
 
lege  Darna nyet lange / So beboide die selue • Rait •• ouch den anderen Rait oyuen
15 vnd vnden vur sich vp die guldenkamer vp die burgerhuss • Ind lachte yn da vr
  alle vurgenanden punte so wie sy verdragen vnd vp hern heinrich gesprochen hedden •• dat sy
  ouch yre synne darup verdragen vnd sagen weulden • Darup berieden sy sich • Ind
  antwerden yn weder / dat sij des van Eren noch eydtz wegen nyet doin en mochten
  noch enweulden / want her heinrich oeuermitz alle Reede mit eynanderen verswoiren
20 were • vmb synre brche wille vurscreuen • Ind baden sy darvmb • dat sij sy sulger sachen
  erlaissen weulden •• Darna euer schickden sy anderwerf vssme Rade an sy / dat
  sy vp yren eyt nyet van danne engiengen Sij enhedden • vp die sachen geantwert
  vnd die volendt / •• Darp antwerden sy euer as vr •• Als verre / dat sij also
  lange vp vnd aff vnder eynanderen giengen vnd spraichen / dat de Eyn Rayt zerzijt
25 den anderen beboiden Rait vurscreuen van des morgens zo viij • vren an • bis des auentz
  zo ix vren in der g die nacht vp der gulden kameren hielten vngeessen vnd
  gedrunken vnd liessen sitzen• Also dat sy zo leste do sy dat lange sitzen sagen •• dat Eytboch
  naymen • daynne her heinrich verswoiren vnd verschreuen was Ind daden dat
  punte vnd boychvp  Ind lachten dat vp den Trappe van dem wyndelsteyne by der
30 Raitz kameren • Ind satten darby eyne kertze • vnd eyn Scherf mit yncke vnd
  boymwolle daryn •• dat zo verstain was So wer van danne weulde / dat
  der oeuer dat geschrichte strichen vnd dat punte dilijen mochte vmb hern
  heinriche also in de Stat zo helpen Do sy dit sagen vnd lange alsus ge