1 Darna quampt euer asuerre / dat die Scheffene vnd yre partijevnd  / die andere
  partijen vurscreuen sich sere / beyde ynme Rade vnd da enbussen / hasden vnd nijden Ind
  mangerley nuwe gesetze vnd gebot machden dach by dage mit parten vnd eyden
  in engem vnd wijdem Rade die eyne partije vp die andere zo grosme achterdeile
5 der Stede vnd schaden der gemeynden vurscreuen Ind beherden dat as lange / dat
  zo eynem zijden darna Eyn Ertzbusschof van Coelne bestoinde den Scheffenen
Kommentar behulplich: b aus B korrigiert.  behulplich zo syn • Ind schickde syne vrunde vnd Rait in Coelne Ind lachten
  deme Rade vur yre anspraiche wail van lxxij artiklen vnd punten / die man
  ouch der gemeynde kontdede • Ind de Stat lachte weder an yn ouch etzlige
10 punte vnd artikle Also uerre / dat yd zo leste zo harden dadingen quam vp
  beyden syden zo grosme verderflichen schaden vnd coste der Stede vnd gemeynden
  as herna geschreuen steit
 
 
15
Lege  Ind darna nyet lange Do machden sy zo eynem zijden yrre zwelfe die buyssen
  dem Raide saissen • vnd alle sachen satten vnd machden / vnd wat die parden satten
  vnd machden / dat moyste vur sich gain / darna vnd dan vss sich mangerleye
  punte vnd gesetze ergiengen As mit namen dat sy mit hern heinrich vanme staue
20 hern hilgere vnd anderen yren partijen zo rade sitzende verdrogen / Also dat her hilger
  zo leste heymlichen zo prage zome Coenynge gesant wart Ind do der Rait zer
  zijt oyuen vnd vnden sich kriegs versaigen • mit eyme Ertzebusschoffe zo hauen
  na ynhalt sulger harder  vurscreuenartikle as sy vnder eynanderen hadden gegeuen Do schickden
  sy zo stunt zo allen vnd yecligen luden vnd burgeren bynnen Coelne / die sij wisten
25 dat narunge hadden / vnd ouch an die Scheffene vurscreuen vnd yre vrunde vnd
  partijen Ind leenden yn yre gelt mit grosen Sommen af zo yrme grosen schaden
  dat kondich is • Ind in der zijt So wijsten sij die Scheffene den meysten deyll
  vss Coelne bis zo Mantze • Ind wruen do darna alle herren Ritter vnd knechte
  vmb Coelne gesessen an sich Ind gauen den grose Sommen geltz vmb weder
30 eynen Ertzenbusschof van Coelne zo kriegen / Dat doch zo den zijden wail
  gesoynt were worden vp vil dagen die vur vnd na gehalden wrden darvmb wurden
  wilge soene her heinrich vanme Staue hinderde / de wyle her hilger zo Behem lach