1 do vil coste kroedtz wachens vnd verderflichen schaden hadden vnd leden as vmb
  des vpsatzes wille / den he ouch do vur hadde mit dem Bannyere der Stede dat
  namaltz in syme kisten vnden is dat kondich is•
 
5
 
 
Lege  Herna zo eyner zijden So klaygde der vayt van Coelne / deme Rade / oeuer die
  Scheffene des hoegerichtz zo Coelne So we sij eme sijn Recht dat eme van Rechte
10 vnd gerichte geburde vnthielten vnd vphoeuen vnd langewyle vur vnthalden hedden
  danaf sy eme geyn bescheit doin enweulden • Also dat he darvmb der Stede van
  Coelne vyant wart • Ind dede der Stede vnd burgeren grosen manchfeldigen ver
  derflichen schaden • Ind vmb des wille So eruoyre der •• Rait zerzijt den gront
  davan Ind vonden clerlichen ymme gronde dat die Scheffene dem vayde vnrecht
15 daden vnd gedain hatten In der wijse der Rait des ouch vnderwijst was van hern
  Rembold Scherfgin / wewail he des doch naderhant vntfyele weder syne gesellen
  die Scheffene / Mer do der Rait vernam / dat he der worde weder die Scheffene vnt//
  fallen was / Do beboide der Rait hern Rembolt Scherfgin vurscreuen vur sich vnd alle
  Reede Ind Alda bekant he So wat he dem Rade vurgesacht hedde as van des
20 vaydz wegen antreffende die Scheffene / dat were wair Mer wat he den Scheffenen
  gesacht hedde dat yd nyet also enwere • dat hedde he geloigen • Ind darvmb so bat
  he up de zijt asuort alle Reede / dat sy darup vertzijen weulden / dat he mysdain
  hedde Ind vmb des wille So wart he zo den zijden zo Torne gelacht Ind want
Kommentar alsu: das Wortende ist nicht eindeutig zu erkennen, Cardauns und Ennen lesen hier alsus.  dem vayde in der vurscreuen wijse alsu vnrecht geschiet was So beuall der Rait do
25 ernstlichen den Scheffenen / dat sy der Stede die veede afdeden So wat schaden vnd
  Coste sy darvmb mit yren burgeren hedden of leden / des weulden sij sich an yn vnd
  dem yrme erkoueren • Also dat sy sich zo leste mit deme vaide slichden vnd eme
  so richden so wat sy eme vur vnthalden hadden we vurscreuen steit / we wail doch
  die gemeyne burgere vmb sulgen geschefte wille grosen verderflichen schade vntfangen
30 haint dat kondich is