1 geyne Eytboiche noch Eytbrieue hauen ensall •• Vort dat man den Rait nyet
  setzen noch lengen ensall • Id ensij mit willen vnd gehencknisse der Scheffene as dat
  van alders herkomen is van der zijt dat der Rait yrste vnden wart Also doch
  dat der Scheffene zo deme mynsten vnff in dem Rade sijn sall • vnd nyet da byneden
5 Ayn den Burgemeyster / der alwege eyn / eyn Scheffen sijn sall ยท as dat van alders her
  comen is Also doch / dat die ghene die zome Rade gekoiren werdent yren eyt doin
  solen / dat sij dat gemeyne beste vurkeren raden vnd weruen solen Ind weder vns
  Ertzebusschoff van Coelne vnse nacomelinge vnd vnse gestichte noch weder vnse Recht gerichte
  vnd hierlicheit nyet weruen off raden ensolen • ¶ Vort dat die Scheffene quijt
10 los vnd ledich solen syn alre anspraichen • wat kunne die syn / die der Rait den scheffenen
  sementlichen off sonderlingen zo zesprechen hedde / off hauen mochte van eyngen sachen
  die sich tusschen yn ergangen haent bis up desen hudigen dach / vssgescheiden wislige
  schoult vnd Erue ¶ Vort dat dat groisse Segel zo der Stessen lygen sall by alle
  der Stede priuilegien / van wilchme Segele vnd priuilegien / die Scheffene vurgenant
15 die Slussele hauen soilen vnd nyeman anders • ¶ Vort dat der zweyer Rentmestere
  zo Coelne eyn / eyn Scheffen sijn sall • Vort dat den Scheffenen yre kamer vp
  der Brgerhuse bliue also as sij die alwege gehat haent •• Vort dat die Scheffen
  yre Scheffenkoeren behalden solen vnd kiesen as sij die van alders bis her bracht haint
  Vort / dat man alle broderschaf vntfangen sall van dem Ampte vander Richerzechde / dat
20 is van den ghenen die yre Burgermeyster Ampt verdient haent • Also dat dat ampt
  in syme Rechten bliue / ast van alders herkomen is • Ind wat Broderschaf of Ampte
  yre Confirmacien hedden • van vns Ertzebusschoffe of van vnsen vurvairen vnd
  gestichte •/ dat dat ouch in syme Rechte bliue ¶ Vort dat die Scheffene alwege
  boyden / die den Scheffenen vnd dem Rade zosamen gebiedent vnd der Stat Schriuer
25 zokiesen plagen • so wanne des der Stat noit was / dat verkurt is an meyster thomas
  vnd an dem Iongen mathijse / dat dat gehalden werde as vurmaltz plach zo sijn •
  Vort dat die dymwaige de Ampte vander Richerzechde bliue as dy van Alders
  gewest is •• Vort want vns die vurscreuen vnse Scheffene gesacht haent / dat wir off
  vnse Greue die zerzijt is van vnsen wegen vnd nyeman anders / vurwerde zo Coelne
30 geuen moge / So hain wir doch dat besorgt • vmb zo verhoeden mangerkunne krut
  die dar yn vallen mochte • Ind willen vur vns vnd vur vnse nacomelinge / dat man
  geynen myssededigen luden eynge vurwerde zo Coelne geuen sole Ind ouch dat man
  nyeman anders eynge vurwerde zo Coelne geue • Id en sij mit wist vnd van rade / der
  Scheffene off yrre eyns deils as zo deme mynsten yrre zweyer of drijer •• Vort /•
35