1 bliuen So hain wir des zo vrkunde vnd gezuge der wairheyde vnse gemeyne Scheffen
  dom Segel mit vnser alre wist vnd willen an desen brief gehangen Die gegeuen is /
  in den Iairen vnss heren mccclxxv des donrestags na sent kylians dage des merald •
¶¶  Item is dit der brieff den der Ertzebusschoff van Coelne den seluen vurgenanden Scheffenen
5 do weder vmb gaff in der formen alz her nageschreuen volgt •
 
Non lege  Wir Friderich vander goitz gnaden der heilger kirchen zo Coelne Ertzbusschoff / des
  heilgen Roymsschen Rijchs in Italien Ertzcanceller doin kont vnd bekennen oeuermitz
  desen brieff / want wir vnd vnse Gestichte an vnser hierlicheit gerichte vnd Rechte zo Colne
10 mit vil geweltlichen sachen vervnrecht werden vnd groflichen vnd swerlichen / da an
  verkrt vnd gehindert Also verre ouch dat unse Richter vnd Scheffene vmb deser
  gewelde gedrangs vnd node wille / die an vnse gerichte / vnd an yre personen gelacht
  vnd gekiert sijnt unse gerichte zo Coelne laissen vnd begeuen moysten vnd by yren eyden
  dabij nyet bliuen en mochten · Ind vss der Stat van Coelne genomen sijnt vmb vns vnd
15 vnsme gestichte vnse hierlicheit vnd gerichte vnd ouch vnse Rechte vnd vrijheit zobe
  halden nademe dat sij uns dat beschreuen vnd besegelt ouergegeuen haint in yren brieuen
  die wir van yn darup hain • Ind want die vurscreuen vnse Richter vnd Scheffene sich tr
  welichen vnd bescheidlichen in desen sachen tgain vns bewart hauent Ind sy ouch in vil
  punten vnd sachen an yrme Rechte vnd vrijheit verunrecht vnd gedrongen synt So
20 hain wir bedacht vnd angesien yre trwe vnd bescheidenheit die sy vns an desen vurscreuen
  sachen gezoint vnd bewijst haent Ind hain yn vur vns vnd vnse gestichte vnd nakomelinge
  zogesacht vnd geloyft in guden truwen zosagen vnd geloyuen ouermitz desen brief yn
  zo doin vnd zo halden as verre as dat an vns is • Ind vort dat wir yn helpen vnd tr
  welichen bystain solen / dat yn wederuairen geschien vnd gehalden werden sulge punte /
25 vnd artikle as herna geschreuen steent •• In dem yrsten / dat die Scheffene zo Coelne as
  vrij sijn soilen / as sij der Brchgreue Datz n zo verstain der Ertzbisschoff zo Coelne
  gevrijet hait / vnd as dat van alders alwege Recht is gewest / dat is zo wissen Tornvrij
  Wachvrij • Slossvrij • Schossvrij vnd mangerknne andere dienste gebode vnd sachen
  da mit der Rait vnd burgere sy beswert / haent • ¶ Item dat dat verschrijuen afgedain
30 werde / da mit sy in deme Eitboiche verschreuen sijnt byssen yren willen • Dat is also
  zo verstain / dat man den Rait alle Iaire kiesen sall • mit namen die • xv • vnder den
  Scheffenen vnd vort vnder den geslechten as dat van alders her komen is Also dat
  man dat Gerichte vnd Scheffendom nyet enverparte •• Vort dat man eynen
  wijden Rait kesen sall vss den kirspelsluden as mandat van alders plach zu doin / dye
35