ΒΆ1 Item quam darna zo eynem zijden eyn Ertzebusschof van Coelne en bynnen Coelne Ind machde
Non lege  hern Rembolt scherfgin zo eyme Greuen • Ind beuall eme / dat hey Symon vnd Dauyd / die Iueden
  vangen seulde • Ind do der Rait des gewair wart Do beboiden sij hern Remboden vr sijch
  Ind daden eme sagen Sij hedden Symon vnd dauid vurgenant vurwerde gegeuen / die sij bis
5 her noch allewege gehalden hedden •• dat he darvmb die selue Iueden nyet envienghe
  noch angriffe • Darenboyuen glijchwail dede der selue her Rembolt de vurgenanden Iueden
  vangen / Mer as balde der Rait des gewar wart So deden sij hern Rembolt zo stunt halden
  vnd yn in den Torn zo Beyen leigen • Also uerre / dat he die Ieden do weder vss geuencknisse
  liesse • Ind sachte deme Raide / die Scheffen hedden yn sijns Eydtz gemaent // dar vmb
10 So moyste he die vurgenanden Ieden vangen •• Ind do liesse yn der Rait ouch vss geuencknisse
  Ind darna So nam der selue her Rembolt den Richterboiden yre Steyffe • Ind he vnd dye
  Scheffene gemeynlichen lachten as vort do dat hoegerichte neder • Do der Rait des gewar
  wart / Do beboiden sij Greuen vnd Scheffen vr sich • Ind spraichen yn zo •• warvmb sij dat
  hoegerichte also nedergelacht hedden • Darup antwerden sy • Id were geschiet van geheysse
15 des Ertzebusschofs van Coelne vurscreuen / Do spraichen vnse hern vanme Rade Ind meynten
  dat des vmmer nyet sijn en seulde na ynhalt alsulgs briefs as sij vrzijden mit der gemeynden
  gede an deme Rijche geworuen vnd behalden hedden •• Ind gesonnen darvmb van yn / dat sij
  dem Rade den seluen Brief oeuerleueren vnd hantreyken weulden // dat sy as vort daden
  vnd dem Rade den oeuerleuerden •• Do beuall yn der Rait as vort / dat sy van dem Rait
20 huse nyet engiengen • Id enwere mit willen vnd vrloffe eyns Raitz •• Ind zer seluer zijt do
  spraich •• der Rait yn anderwerf zo / warvmb sij dat hoegerichte nedergelacht hedden / des
  billich nyet syn en seulde na ynhalt des briefs vurscreuen Ind warvmb sij ouch den seluen
  brief hinder yn gehalden vnd deme Rade vr n˚yet gehantreyckt enhedden •• Darup ant
  werden sij deme Rade do / Sij welden sich darp beraden • Ind vnsen herren des andern daigs
25 eyne antwerde sagen • Ind da entsschen voeren sij sementlich byssen Coelne Sonder
  eyngerleye antwerde dem Rade zo sagen • Ind nyet lange darna do sij vernamen dat der
  Ertzebusschoff van Coelne zo vnsme gnedigen herren dem Roymschen keyser rijden woulde / Do
  schickden sij vnder yn zwene mit namen hern Iohan van Coueltzhoyuen vnd her gerart van Benassis
scheffen do zerzijt   die mit zo deme keyser reeden • Ind deden die Stat van Coelne laden vnd asverre brachten dat
30 die Stat vnd burger in die Achte quamen • Ind moyste der Rait yre vrunde darschicken die
  sij vss der achten wruen / dat die Stat costde me dan .v. M gulden • Ind vmb deser
  sachen vnd manger anderre ynvelle wille / die sich da entusschen ergiengen So quam yd
  zo leste zo groisme verderflichem kriege tusschen dem Ertzbusschof vnd der stat vurscreuen
  Ind quam zo Rouue vnd brande Also dat he vur der Stat an dem galgberge bij Roden
35