1 yn in der maissen / dat sy alle gemeynlichen vur yn alda zo den heilgen lijflichen
  sweiren moysten • dat vaste vnd stede zo halden Ind sonderlingen dat sy geyne
  groser geselschaf noch vergaderunge mit essen noch drinken by eyn anderen
  hauen enseulden / dan yrre drij off iiij vmmer zo samen vnd nyet me Ind
5 asvort darna So namen sij den van wullen Ampte den Smeden vnd Schraderen
  alle yren harnasch • Ind in deser vurscreuen manyeren / giengen sy do mit der ge
  meynden vmb / vnd rissen yn yre brieue vnd namen yn yre Segele / die sy
  doch van alders alwege gehait vnd besessen hadden • Also dat yn van dem dage
  an bis herzo nye brief noch gesetze weder werden en kunde noch en mochte
Kommentar de: r getilgt, vermutlich von der Hand die Scheffen ind nachgetragen hat.10 Mer de Scheffen indRait hait yn alwege oeuermeystere gesat / die sy regierden vnd boyssen
  van yn namen vnd deilten / Ind dat doch der gemeynden alwege groff vnd grois
  geschait hait vnd alwege yn vur ougen gestanden hait dat kondich is •
 
 
15
 
 
ΒΆ  Ouch zo eynem zijden quampt also / dat eyn vreymd man in anderen landen eynen
Non lege  doitslach gedain hadde dat kondich was vnd is • Ind do dat etzligen dach stoent do
20 quamen zo leste / desseluen mans vrunt zo Coelne • vnd spraichen vnd dadingden mit den
  Scheffenen gemeynlichen des hoegerichtz zo Coelne heymlichen / dat sij den man in Coelne
  vrijen weulden / dat he bynnen Coelne gain vnd stain moichte vngehindert Als
  verre dat sij mit den Scheffenen / vnd die Scheffene wedervmb mit yn / dadingden
  dat die Scheffene darvmb van yn namen eyne Somme van schilden / die sij
25 vnder sich deilten vnd behielten • vnd liessen den vurscreuen man in der wijse vurscreuen zo Coelne
  gain vnd stain • Darna do derselue man alsus eyne wile vp der straissen gegangen
  hadde / do quamen die ander vrunt den der doitslach angienck Ind beschruwen den
  man vurscreuen mit groser klagen vnd anverdicheit Also dat he gegriffen vnd darna
  mit der Scheffene vrdeile vurscreuen syn heuft afgeslagen wart zo grosme achterdeile
30 yrs gerichtz vnd der Stede vnd gemeynden vurscreuen Ind vmb des wille wart Iohan van
  Drese vyant der Stede Ind gesan des vurscreuen syns maigs smaheit gericht vnd dat
  gelt wedergekiert / dat die Scheffen also van eme genomen hadden • Ind vienge darna
  der burger eyn deil vpme vischmarte / vnd dede yn ouch alsus grosen verderflichen
  schaden dorch der vurscreuen Scheffene geschichte wille dat kondich is •
35